ai mere dost mere dushman-e-jaan KHair to hai

ai mire dost mire dushman-e-jāñ ḳhair to hai

tū mire paas mire saath yahāñ ḳhair to hai

ḳhat diyā thā unheñ patthar nahīñ aayā ab tak

dil ko tashvīsh huī hai ki vahāñ ḳhair to hai

baat qasdan unheñ aadhī sī sunā.ī maiñ ne

ab vo pūchheñge ki kab kaun kahāñ ḳhair to hai

bach ke ik aur dhamāke se kiyā phone unheñ

yaañ pe sab ḳhair hai sab ḳhair vahāñ ḳhair to hai

ḳhair hī ḳhair lage mujh ko ba-zāhir to magar

pūchh letī huuñ muravvat meñ ki haañ ḳhair to hai

ai mere dost mere dushman-e-jaan KHair to hai

tu mere pas mere sath yahan KHair to hai

KHat diya tha unhen patthar nahin aaya ab tak

dil ko tashwish hui hai ki wahan KHair to hai

baat qasdan unhen aadhi si sunai main ne

ab wo puchhenge ki kab kaun kahan KHair to hai

bach ke ek aur dhamake se kiya phone unhen

yan pe sab KHair hai sab KHair wahan KHair to hai

KHair hi KHair lage mujh ko ba-zahir to magar

puchh leti hun murawwat mein ki han KHair to hai