ai mere ghubar-e-sar tu hi to nahin tanha raegan to main bhi hun

ai mire ġhubār-e-sar tū hī to nahīñ tanhā rā.egāñ to maiñ bhī huuñ

mere har ḳhasāre par mere ye muḳhālif kyā shādmāñ to maiñ bhī huuñ

dasht ye agar apnī vus.atoñ pe nāzāñ hai mujh ko is se kyā lenā

zarra hī sahī lekin merī apnī vus.at hai be-karāñ to maiñ bhī huuñ

dar-ba-dar bhaTaktī hai dasht o shahr o sahrā meñ apnā sar paTaktī hai

ai havā-e-avāra terī hī tarah be-ghar be-amāñ to maiñ bhī huuñ

kuuch kar ga.e jaane kitne qāfile jin kā kuchh nishāñ nahīñ miltā

maiñ bhī huuñ kamar-basta ya.anī rah-rav-e-rāh-e-raftagāñ to maiñ bhī huuñ

tū jo ek sho.ala hai chob-e-ḳhushk huuñ maiñ bhī apnā haal yaksāñ hai

der hai bhaḌakne kī phir to raakh hai tū bhī phir dhuāñ to maiñ bhī huuñ

ai mere ghubar-e-sar tu hi to nahin tanha raegan to main bhi hun

mere har KHasare par mere ye muKHalif kya shadman to main bhi hun

dasht ye agar apni wusaton pe nazan hai mujh ko is se kya lena

zarra hi sahi lekin meri apni wusat hai be-karan to main bhi hun

dar-ba-dar bhaTakti hai dasht o shahr o sahra mein apna sar paTakti hai

ai hawa-e-awara teri hi tarah be-ghar be-aman to main bhi hun

kuch kar gae jaane kitne qafile jin ka kuchh nishan nahin milta

main bhi hun kamar-basta yani rah-raw-e-rah-e-raftagan to main bhi hun

tu jo ek shoala hai chob-e-KHushk hun main bhi apna haal yaksan hai

der hai bhaDakne ki phir to rakh hai tu bhi phir dhuan to main bhi hun