ai nigar-e-gham-o-alam teri umr daraaz
ai nigār-e-ġham-o-ālam tirī umr darāz
tū ne baḳhshe bahut ārām tirī umr darāz
shahr meñ dasht meñ sahrā meñ jahāñ bhī dekhā
ab hai mash.hūr mirā naam tirī umr darāz
surḳh-rū ab bhī tū har kūcha-o-bāzār meñ hai
apne sar haiñ sabhī ilzām tirī umr darāz
fasl-e-gul aa.ī thī le le ke tirā naam ga.ī
tū kahāñ phirtā thā nā-kām tirī umr darāz
sub.h ne phir mire zaḳhmoñ se ujālā māñgā
ek zaḳhm aur mire naam tirī umr darāz
dil ke tārīk ḳharābe meñ tirī yaad kā nuur
aaj aayā hai baḌe kaam tirī umr darāz
chhoḌ kar phūloñ kī rut phuul se chehroñ ko 'sho.eb'
tujh ko vīrāne se kyā kaam tirī umr darāz
ai nigar-e-gham-o-alam teri umr daraaz
tu ne baKHshe bahut aaram teri umr daraaz
shahr mein dasht mein sahra mein jahan bhi dekha
ab hai mashhur mera nam teri umr daraaz
surKH-ru ab bhi tu har kucha-o-bazar mein hai
apne sar hain sabhi ilzam teri umr daraaz
fasl-e-gul aai thi le le ke tera nam gai
tu kahan phirta tha na-kaam teri umr daraaz
subh ne phir mere zaKHmon se ujala manga
ek zaKHm aur mere nam teri umr daraaz
dil ke tarik KHarabe mein teri yaad ka nur
aaj aaya hai baDe kaam teri umr daraaz
chhoD kar phulon ki rut phul se chehron ko 'shoeb'
tujh ko virane se kya kaam teri umr daraaz
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.