ai qalandar aa tasawwuf mein sanwar kar raqs kar

ai qalandar aa tasavvuf meñ sañvar kar raqs kar

ishq ke sab ḳhārzāroñ se guzar kar raqs kar

aql kī vus.at bahut hai ishq meñ fursat hai kam

aql kī ayyāriyoñ ko darguzar kar raqs kar

dar-ba-dar kyuuñ DhūñDhtā phirtā hai nādīda sanam

apne dil ke aa.ine par ik nazar kar raqs kar

ye jahāñ ik mai-kada kam-zarf hai saaqī tirā

is ḳharābe se pare shām-o-sahar kar raqs kar

rustam-o-dārā sikandar mil ga.e sab ḳhaak meñ

ban ke sarmad zindagī apnī basar kar raqs kar

is zamīñ par jism-e-ḳhākī zehn-o-dil ho arsh par

yuuñ kabhī 'zākir' riyāzat meñ bikhar kar raqs kar

ai qalandar aa tasawwuf mein sanwar kar raqs kar

ishq ke sab KHarzaron se guzar kar raqs kar

aql ki wusat bahut hai ishq mein fursat hai kam

aql ki ayyariyon ko darguzar kar raqs kar

dar-ba-dar kyun DhunDhta phirta hai nadida sanam

apne dil ke aaine par ek nazar kar raqs kar

ye jahan ek mai-kada kam-zarf hai saqi tera

is KHarabe se pare sham-o-sahar kar raqs kar

rustam-o-dara sikandar mil gae sab KHak mein

ban ke sarmad zindagi apni basar kar raqs kar

is zamin par jism-e-KHaki zehn-o-dil ho arsh par

yun kabhi 'zakir' riyazat mein bikhar kar raqs kar