ai rabb-e-zul-jalal hai meri KHata buland

ai rabb-e-zul-jalāl hai merī ḳhatā buland

lekin ḳhatā se baḌh ke hai terī atā buland

āñkheñ jhukī huī haiñ saroñ par hijāb hai

kirdār munfarid hai jo ham ne rakhā buland

motī jhalak rahe haiñ jo shabnam ke oT se

phūloñ se gulsitāñ kī huī hai fazā buland

husn-o-jamāl chāñd sitāroñ kā tazkira

is dāstān-e-shoḳh meñ sab kuchh kahā buland

kis kā lahū fazāoñ meñ phailā hai har taraf

badlī se ho rahā hai jo rang-e-hinā buland

TuuTe hue diloñ ko ġhazal meñ sajā diyā

shīshagarī meñ 'chashma' hai us kī adā buland

ai rabb-e-zul-jalal hai meri KHata buland

lekin KHata se baDh ke hai teri ata buland

aankhen jhuki hui hain saron par hijab hai

kirdar munfarid hai jo hum ne rakha buland

moti jhalak rahe hain jo shabnam ke oT se

phulon se gulsitan ki hui hai faza buland

husn-o-jamal chand sitaron ka tazkira

is dastan-e-shoKH mein sab kuchh kaha buland

kis ka lahu fazaon mein phaila hai har taraf

badli se ho raha hai jo rang-e-hina buland

TuTe hue dilon ko ghazal mein saja diya

shishagari mein 'chashma' hai us ki ada buland