ai saba nikhat-e-gesu-e-muambar lana

ai sabā nik.hat-e-gesū-e-muambar laanā

koī tohfa gul-o-nasrīn se ḳhush-tar laanā

shabnamistān-e-mohabbat kī hasīñ rāhoñ se

ḳhunkī-e-shabnam-o-nūr-e-mah-o-aḳhtar laanā

jāñ-ba-lab haiñ tire mushtāq sar-e-rāh-e-hayāt

dam-e-īsā-o-mai-e-lāl-o-gul-e-tar laanā

ishq ho mast-o-ġhazal-ḳhvān-o-surāhī-bar-dosh

zindagī tāza-o-sarshār-o-muattar laanā

dar-ḳhur-e-mahfil-o-shāyan-e-ḳharābāt-e-muġhāñ

ātishīñ mutrib-o-be-bāk navā-gar laanā

tujh ko andoh-e-asīrān-e-qafas kī saugand

ārzūoñ ke hasīñ phuul khilā kar laanā

kushtagān-e-sitam-e-daur-e-ḳhizāñ haiñ ham log

apne hamrāh bahāroñ kā payambar laanā

is na.e daur ke sheroñ meñ taġhazzul kam hai

merī uftād tabī.at kā suḳhnavar laanā

ai saba nikhat-e-gesu-e-muambar lana

koi tohfa gul-o-nasrin se KHush-tar lana

shabnamistan-e-mohabbat ki hasin rahon se

KHunki-e-shabnam-o-nur-e-mah-o-aKHtar lana

jaan-ba-lab hain tere mushtaq sar-e-rah-e-hayat

dam-e-isa-o-mai-e-lal-o-gul-e-tar lana

ishq ho mast-o-ghazal-KHwan-o-surahi-bar-dosh

zindagi taza-o-sarshaar-o-muattar lana

dar-KHur-e-mahfil-o-shayan-e-KHarabaat-e-mughan

aatishin mutrib-o-be-bak nawa-gar lana

tujh ko andoh-e-asiran-e-qafas ki saugand

aarzuon ke hasin phul khila kar lana

kushtagan-e-sitam-e-daur-e-KHizan hain hum log

apne hamrah bahaaron ka payambar lana

is nae daur ke sheron mein taghazzul kam hai

meri uftad tabiat ka suKHnawar lana