اے شاہ بے خودی کبھی دیوانہ کر مجھے

اے شاہ بے خودی کبھی دیوانہ کر مجھے

جب ہو چکوں دوانہ تو اچھا نہ کر مجھے

آنکھوں کو میری اپنی بصارت پہ ناز ہو

جب سامنے وہ آئے تو اندھا نہ کر مجھے

اب اور کتنی بار چلوں پل صراط پر

واپس بلا لے پھر کبھی پیدا نہ کر مجھے

اے پیکر فنا یہ ترا انضمام ہے

دریا بنا ہوں قطرے سے رویا نہ کر مجھے

مستغرق جنون تعیش میں جب رہوں

اے رقص ذات سب کا تماشا نہ کر مجھے

رہنے نہ دے جنوں مرا مجھ کو سکون سے

دست شفا دے اور مسیحا نہ کر مجھے