ai yar-e-sitam-kesh-o-jafa-kar KHabar le

ai yār-e-sitam-kesh-o-jafā-kār ḳhabar le

martā hai tire 'ishq kā bīmār ḳhabar le

is tīr-e-jigar-doz se jaañ aa ga.ī lab par

mizhgāñ se tirī huuñ maiñ dil-e-afgār ḳhabar le

ḳhāliq se du'ā ye hai ki yā-rab kahīñ jaldī

vo parda-nashīñ yār-e-tarah-dār ḳhabar le

jald aa ke zarā dekh tū ai rashk-e-masīhā

jaatā hai 'adam ko tirā bīmār ḳhabar le

dushman mire sab dost hue 'ishq meñ tere

jab koī nahīñ mūnis-o-ġham-ḳhvār ḳhabar le

taqdīr par apnī na ho kis tarah mujhe naaz

hai jaa.e ta'ajjub ki vo dildār ḳhabar le

maiñ hijr meñ hairān-o-pareshāñ rahūñ kab tak

lillāh but-e-ā.īna-ruḳhsār ḳhabar le

ghūñghaT ko sanam bahr-e-ḳhudā ruḳh se uThā de

'sābir' hai tirā tālib-e-dīdār ḳhabar le

ai yar-e-sitam-kesh-o-jafa-kar KHabar le

marta hai tere 'ishq ka bimar KHabar le

is tir-e-jigar-doz se jaan aa gai lab par

mizhgan se teri hun main dil-e-afgar KHabar le

KHaliq se du'a ye hai ki ya-rab kahin jaldi

wo parda-nashin yar-e-tarah-dar KHabar le

jald aa ke zara dekh tu ai rashk-e-masiha

jata hai 'adam ko tera bimar KHabar le

dushman mere sab dost hue 'ishq mein tere

jab koi nahin munis-o-gham-KHwar KHabar le

taqdir par apni na ho kis tarah mujhe naz

hai jae ta'ajjub ki wo dildar KHabar le

main hijr mein hairan-o-pareshan rahun kab tak

lillah but-e-aina-ruKHsar KHabar le

ghunghaT ko sanam bahr-e-KHuda ruKH se uTha de

'sabir' hai tera talib-e-didar KHabar le