aisa aalam ka KHugar nahin dekha humne

aisā ālām kā ḳhūgar nahīñ dekhā ham ne

dil tire jaisā shanāvar nahīñ dekhā ham ne

kin parindoñ ke ta'āqub kā thā nashsha ham par

dasht-o-sahrā se kabhī ghar nahīñ dekhā ham ne

ḳhār-zāroñ se marāsim ke sabab phūloñ ko

dil ne chāhā bhī to ruk kar nahīñ dekhā ham ne

qasd-e-derīna tirī be-sar-o-pā.ī kī qasam

raah meñ miil kā patthar nahīñ dekhā ham ne

aisa aalam ka KHugar nahin dekha hum ne

dil tere jaisa shanawar nahin dekha hum ne

kin parindon ke ta'aqub ka tha nashsha hum par

dasht-o-sahra se kabhi ghar nahin dekha hum ne

KHar-zaron se marasim ke sabab phulon ko

dil ne chaha bhi to ruk kar nahin dekha hum ne

qasd-e-derina teri be-sar-o-pai ki qasam

rah mein mil ka patthar nahin dekha hum ne