aisa bhi tez nashtar-e-na-mehrban na tha

aisā bhī tez nashtar-e-nā-mehrbāñ na thā

yuuñ zaḳhm-zaḳhm chehra-e-uftād-gāñ na thā

vo pyaas thī ki halq se bāhar thī har zabāñ

aur duur tak kahīñ koī dariyā ravāñ na thā

dastak pe ab gharoñ se koī boltā nahīñ

pahle ye shahr shahr-e-'adam-raftagāñ na thā

ab ke the kār-zār meñ sab āshnā harīf

lekin vo ḳhush-qatīl ki shikva-kunāñ na thā

ḳhāmosh sā'atoñ meñ thī raushan tirī sadā

Thahrā huā thā vaqt magar rā.egāñ na thā

bārān-e-tez meñ bhī rahe āshiyāna-soz

sahn-e-chaman meñ ham sā koī tafta-jāñ na thā

aisa bhi tez nashtar-e-na-mehrban na tha

yun zaKHm-zaKHm chehra-e-uftad-gan na tha

wo pyas thi ki halq se bahar thi har zaban

aur dur tak kahin koi dariya rawan na tha

dastak pe ab gharon se koi bolta nahin

pahle ye shahr shahr-e-'adam-raftagan na tha

ab ke the kar-zar mein sab aashna harif

lekin wo KHush-qatil ki shikwa-kunan na tha

KHamosh sa'aton mein thi raushan teri sada

Thahra hua tha waqt magar raegan na tha

baran-e-tez mein bhi rahe aashiyana-soz

sahn-e-chaman mein hum sa koi tafta-jaan na tha