aisa chehra mere bhi dhyan mein tha

aisā chehra mire bhī dhyān meñ thā

jo zamīñ meñ na āsmān meñ thā

dil to ḳhālī paḌā thā sadiyoñ se

ek saaya mire makān meñ thā

mujh meñ shāmil thā vo lahū kī tarah

aañkh meñ dil meñ aur jaan meñ thā

naam kyā thā jo itnā shīrīñ thā

zā.iqa ab bhī is zabān meñ thā

dhund phailī huī thī chāroñ taraf

shor hī shor is jahān meñ thā

vo jo rahtā thā saath shām-o-sahar

is zamāñ meñ na us zamān meñ thā

merī āñkhoñ ne jo bhī dekhā thā

sher meñ nazm meñ bayān meñ thā

maiñ bhī apnī anā meñ qaid rahī

vo bhī kuchh apnī aan baan meñ thā

aisa chehra mere bhi dhyan mein tha

jo zamin mein na aasman mein tha

dil to KHali paDa tha sadiyon se

ek saya mere makan mein tha

mujh mein shamil tha wo lahu ki tarah

aankh mein dil mein aur jaan mein tha

nam kya tha jo itna shirin tha

zaiqa ab bhi is zaban mein tha

dhund phaili hui thi chaaron taraf

shor hi shor is jahan mein tha

wo jo rahta tha sath sham-o-sahar

is zaman mein na us zaman mein tha

meri aankhon ne jo bhi dekha tha

sher mein nazm mein bayan mein tha

main bhi apni ana mein qaid rahi

wo bhi kuchh apni aan ban mein tha