aisa ilaj-e-habs-e-dil-e-zar chahiye

aisā ilāj-e-habs-e-dil-e-zār chāhiye

ik dar fasīl-e-jāñ meñ havā-dār chāhiye

ik jhiil naġhma-rez ho ahl-e-safar ke saath

sarsabz duur tak saf-e-ashjār chāhiye

sahrā kaf-e-tamavvuj-e-dariyā meñ ho asiir

sho.ala havā se bar-sar-e-paikār chāhiye

ye ruuh ek tā.ir-e-vahshī nazhād hai

har dam safar ke vāste tayyār chāhiye

apne faroġh-e-husn kī tash.hīr ke liye

shahzādi-e-ḳhayāl ko darbār chāhiye

is shahr-e-ḳhisht-o-sañg ko shīshe kī chaah hai

koī javān ā.īna-bardār chāhiye

bāzār-e-ārzū meñ kaTī jā rahī hai umr

ham ko ḳharīd le vo ḳharīdār chāhiye

aisa ilaj-e-habs-e-dil-e-zar chahiye

ek dar fasil-e-jaan mein hawa-dar chahiye

ek jhil naghma-rez ho ahl-e-safar ke sath

sarsabz dur tak saf-e-ashjar chahiye

sahra kaf-e-tamawwuj-e-dariya mein ho asir

shoala hawa se bar-sar-e-paikar chahiye

ye ruh ek tair-e-wahshi nazhad hai

har dam safar ke waste tayyar chahiye

apne farogh-e-husn ki tashhir ke liye

shahzadi-e-KHayal ko darbar chahiye

is shahr-e-KHisht-o-sang ko shishe ki chah hai

koi jawan aaina-bardar chahiye

bazar-e-arzu mein kaTi ja rahi hai umr

hum ko KHarid le wo KHaridar chahiye