aisa to nahin hai ki mohabbat nahin karta

aisā to nahīñ hai ki mohabbat nahīñ kartā

jo shaḳhs bayāñ karne kī himmat nahīñ kartā

office bhī chale jaate haiñ ye TuuTe hue log

dil TūTne par ab koī vahshat nahīñ kartā

vo shaḳhs hai insān kī sūrat meñ farishta

jo shaḳhs kisī se bhī shikāyat nahīñ kartā

jab bhī use dekhūñ to 'aqīdat se jhuke sar

jhūTe haiñ jo kahte haiñ 'ibādat nahīñ kartā

vo haal huā 'ishq meñ jaise ki koī bhī

jangal meñ daraḳhtoñ kī hifāzat nahīñ kartā

aisa to nahin hai ki mohabbat nahin karta

jo shaKHs bayan karne ki himmat nahin karta

office bhi chale jate hain ye TuTe hue log

dil TuTne par ab koi wahshat nahin karta

wo shaKHs hai insan ki surat mein farishta

jo shaKHs kisi se bhi shikayat nahin karta

jab bhi use dekhun to 'aqidat se jhuke sar

jhuTe hain jo kahte hain 'ibaadat nahin karta

wo haal hua 'ishq mein jaise ki koi bhi

jangal mein daraKHton ki hifazat nahin karta