aise bhi kahan milenge dil-ju

aise bhī kahāñ mileñge dil-jū

e.ajāz ba-rang-e-chashm-e-āhū

ik baar ham is tarah se ro.e

un ke bhī nikal paḌe the aañsū

phirtā huuñ maiñ dar-ba-dar jahāñ meñ

kis kī hai talāsh aaj har-sū

apnī sī jahāñ meñ kar guzariye

shal hote raheñge dast-o-bāzū

dīvāna banā rahe haiñ ham ko

duniyā ye tire darāz gesū

īmān hai jin kā rang-o-bū par

Thahre haiñ vahī to aaj bad-ḳhū

TuuTā hai tilism-e-pāk-bāzī

āñkhoñ meñ vo bhar ke aa.e jaadū

badlā nahīñ rang gulsitāñ kā

phūloñ meñ kahāñ se aa.e ḳhushbū

'anjum' ye maraz na jā.egā ab

ab is kī koī davā na daarū

aise bhi kahan milenge dil-ju

eajaz ba-rang-e-chashm-e-ahu

ek bar hum is tarah se roe

un ke bhi nikal paDe the aansu

phirta hun main dar-ba-dar jahan mein

kis ki hai talash aaj har-su

apni si jahan mein kar guzariye

shal hote rahenge dast-o-bazu

diwana bana rahe hain hum ko

duniya ye tere daraaz gesu

iman hai jin ka rang-o-bu par

Thahre hain wahi to aaj bad-KHu

TuTa hai tilism-e-pak-bazi

aankhon mein wo bhar ke aae jadu

badla nahin rang gulsitan ka

phulon mein kahan se aae KHushbu

'anjum' ye maraz na jaega ab

ab is ki koi dawa na daru