aise bhi kuchh gham hote hain
aise bhī kuchh ġham hote haiñ
jo ummīd se kam hote haiñ
aage aage chaltā hai rasta
pīchhe pīchhe ham hote haiñ
raag kā vaqt nikal jaatā hai
jab tak sur qaa.em hote haiñ
bāhar kī ḳhushkī pe na jaao
patthar andar nam hote haiñ
milne koī nahīñ aatā jab
apne aap meñ ham hote haiñ
chehroñ kī to bhiiḌ hai lekin
sahī salāmat kam hote haiñ
nazmeñ ġhazleñ ḳhat afsāne
us ke naam raqam hote haiñ
dil ke shelf meñ 'shāhid' kitnī
yādoñ ke album hote haiñ
aise bhi kuchh gham hote hain
jo ummid se kam hote hain
aage aage chalta hai rasta
pichhe pichhe hum hote hain
rag ka waqt nikal jata hai
jab tak sur qaem hote hain
bahar ki KHushki pe na jao
patthar andar nam hote hain
milne koi nahin aata jab
apne aap mein hum hote hain
chehron ki to bhiD hai lekin
sahi salamat kam hote hain
nazmen ghazlen KHat afsane
us ke nam raqam hote hain
dil ke shelf mein 'shahid' kitni
yaadon ke album hote hain
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
