aise mile nasib se sare KHuda ki bas

aise mile nasīb se saare ḳhudā ki bas

maiñ bandagī ke zo.am meñ chillā uThā ki bas

ik khel ne hamārā muqaddar badal diyā

vo to hameñ pukār kar aisā chhupā ki bas

pahle to ik nashe ko kiyā sar pe ḳhud savār

phir yuuñ kisī ḳhayāl se jī haT gayā ki bas

jannat milegī us ne kahā mominīn ko

jalte hue makān se aa.ī sadā ki bas

naġhma samajh ke shor se mahzūz hotī bhiiḌ

amboh-e-bekarāñ meñ koī chīḳhtā ki bas

aise mile nasib se sare KHuda ki bas

main bandagi ke zoam mein chilla uTha ki bas

ek khel ne hamara muqaddar badal diya

wo to hamein pukar kar aisa chhupa ki bas

pahle to ek nashe ko kiya sar pe KHud sawar

phir yun kisi KHayal se ji haT gaya ki bas

jannat milegi us ne kaha mominin ko

jalte hue makan se aai sada ki bas

naghma samajh ke shor se mahzuz hoti bhiD

amboh-e-bekaran mein koi chiKHta ki bas