aise pamal ki pahchan mein aate hi nahin
aise pāmāl ki pahchān meñ aate hī nahīñ
phuul se chehre mire dhyān meñ aate hī nahīñ
rok letī hai kahīñ raah meñ nauhoñ kī sadā
ḳhush-navā giit mire kaan meñ aate hī nahīñ
yuuñ to kyā kyā na liyā zād-e-safar chalte hue
chand sapne haiñ jo sāmān meñ aate hī nahīñ
us taraf laḌne pe āmāda hai lashkar apnā
aur sālār ki maidān meñ aate hī nahīñ
aise sapne haiñ jinheñ ham ne nahīñ dekhā abhī
aise raste haiñ jo imkān meñ aate hī nahīñ
jurm aisā hai ki mujrim haiñ sabhī shahr ke log
aur asiir itne ki zindān meñ aate hī nahīñ
aise pamal ki pahchan mein aate hi nahin
phul se chehre mere dhyan mein aate hi nahin
rok leti hai kahin rah mein nauhon ki sada
KHush-nawa git mere kan mein aate hi nahin
yun to kya kya na liya zad-e-safar chalte hue
chand sapne hain jo saman mein aate hi nahin
us taraf laDne pe aamada hai lashkar apna
aur salar ki maidan mein aate hi nahin
aise sapne hain jinhen hum ne nahin dekha abhi
aise raste hain jo imkan mein aate hi nahin
jurm aisa hai ki mujrim hain sabhi shahr ke log
aur asir itne ki zindan mein aate hi nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
