aise ruThe ki mulaqat nahin hoti hai
aise rūThe ki mulāqāt nahīñ hotī hai
mil to jaate haiñ magar baat nahīñ hotī hai
ḳhair jī ye to huā un se nigāheñ to milīñ
na sahī baat agar baat nahīñ hotī hai
kuchh na pūchho mire ashkoñ kī ravānī kā shu.ūr
is qarīne se to barsāt nahīñ hotī hai
maiñ isī fikr meñ rahtā huuñ kabhī haañ nikle
un ke hoñToñ pe to din-rāt nahīñ hotī hai
ḳhauf-e-aġhyār ho yā sharm ho yā mujh se gurez
koī to baat hai jo baat nahīñ hotī hai
ḳhud bhī duniyā jo aTak paḌtī hai dīvānoñ se
asl meñ vāqif-e-hālāt nahīñ hotī hai
aañkh uThtī hai nazar miltī hai hañs dete haiñ
saarī bāteñ haiñ magar baat nahīñ hotī hai
bāzī-e-ishq kī chāleñ hī ajab haiñ 'shabbar'
haar jaate haiñ magar maat nahīñ hotī hai
aise ruThe ki mulaqat nahin hoti hai
mil to jate hain magar baat nahin hoti hai
KHair ji ye to hua un se nigahen to milin
na sahi baat agar baat nahin hoti hai
kuchh na puchho mere ashkon ki rawani ka shuur
is qarine se to barsat nahin hoti hai
main isi fikr mein rahta hun kabhi han nikle
un ke honTon pe to din-raat nahin hoti hai
KHauf-e-aghyar ho ya sharm ho ya mujh se gurez
koi to baat hai jo baat nahin hoti hai
KHud bhi duniya jo aTak paDti hai diwanon se
asl mein waqif-e-haalat nahin hoti hai
aankh uThti hai nazar milti hai hans dete hain
sari baaten hain magar baat nahin hoti hai
bazi-e-ishq ki chaalen hi ajab hain 'shabbar'
haar jate hain magar mat nahin hoti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
