aise wo mere shahr ki taqdir se khele

aise vo mire shahr kī taqdīr se khele

jaise koī bachcha kisī tasvīr se khele

rahnā hai use aur bhī kuchh roz qafas meñ

qaidī se kaho sabr kī zanjīr se khele

utrā hai mire zehn se paikar tirā lekin

dil ab bhī tire lams kī tāsīr se khele

mumkin thā mohabbat meñ hameñ maat na hotī

ye khel magar ham baḌī tāḳhīr se khele

ye ziist kī baazī na tire haath rahegī

tū laakh ise ġhaur se tadbīr se khele

aise wo mere shahr ki taqdir se khele

jaise koi bachcha kisi taswir se khele

rahna hai use aur bhi kuchh roz qafas mein

qaidi se kaho sabr ki zanjir se khele

utra hai mere zehn se paikar tera lekin

dil ab bhi tere lams ki tasir se khele

mumkin tha mohabbat mein hamein mat na hoti

ye khel magar hum baDi taKHir se khele

ye zist ki bazi na tere hath rahegi

tu lakh ise ghaur se tadbir se khele