aish-o-tarab se kaam na aaram se gharaz

aish-o-tarab se kaam na ārām se ġharaz

dīvāne ko na gardish-e-ayyām se ġharaz

ik dil thā us ke paas vo pahle hī de diyā

ab kyā hai us ko āshiq-e-nākām se ġharaz

allāh re ye shauq-e-mulāqāt-e-mudda.ī

dekhā jo us ko kuud paḌe baam se ġharaz

ye apne baḳht-e-ḳhufta kī saarī haiñ ḳhūbiyāñ

jo aa ke so ga.e vo sar-e-shām se ġharaz

vaa.iz tū chheḌ rind-e-ḳharābāt se na kar

jab tujh ko kuchh nahīñ mai-e-gulfām se ġharaz

shatranj hai lagī huī chausar bichhī huī

mehnat se vāsta na kisī kaam se ġharaz

karnī hai apnī manzil-e-maqsūd tai jise

rakhtā nahīñ vo raah meñ ārām se ġharaz

sah sah ke zulm ho gayā īzā-pasand dil

rakhtā nahīñ maiñ rāhat-o-ārām se ġharaz

gumnām shā.iroñ meñ mirā naam hai 'atā'

in.aam se ġharaz na mujhe naam se ġharaz

aish-o-tarab se kaam na aaram se gharaz

diwane ko na gardish-e-ayyam se gharaz

ek dil tha us ke pas wo pahle hi de diya

ab kya hai us ko aashiq-e-nakaam se gharaz

allah re ye shauq-e-mulaqat-e-muddai

dekha jo us ko kud paDe baam se gharaz

ye apne baKHt-e-KHufta ki sari hain KHubiyan

jo aa ke so gae wo sar-e-sham se gharaz

waiz tu chheD rind-e-KHarabaat se na kar

jab tujh ko kuchh nahin mai-e-gulfam se gharaz

shatranj hai lagi hui chausar bichhi hui

mehnat se wasta na kisi kaam se gharaz

karni hai apni manzil-e-maqsud tai jise

rakhta nahin wo rah mein aaram se gharaz

sah sah ke zulm ho gaya iza-pasand dil

rakhta nahin main rahat-o-aram se gharaz

gumnam shairon mein mera nam hai 'ata'

inam se gharaz na mujhe nam se gharaz