aisi aadat paDi laDai ki

aisī aadat paḌī laḌā.ī kī

jaan letā hai bhaa.ī bhaa.ī kī

uñgliyāñ uThtī haiñ ḳhudā.ī kī

hat tirī aisī be-hayā.ī kī

dhajjiyāñ mai-kade meñ shaiḳh kī aaj

ḳhuub uḌtī haiñ pārsā.ī kī

jab se haath aaya un ke ghar kā nizām

sun rahā huuñ baḌī safā.ī kī

jis ke aage zamāna jhuktā hai

hai vo bas ek zaat naa.ī kī

jis pe netā kī ho ga.iiñ nazreñ

us ne is daur meñ ḳhudā.ī kī

vo hasīnoñ kī jūtiyāñ khā.eñ

ho zarūrat jinheñ kamā.ī kī

ishq kī aag meñ jo jaltā hai

us ko hājat nahīñ razā.ī kī

aisi aadat paDi laDai ki

jaan leta hai bhai bhai ki

ungliyan uThti hain KHudai ki

hat teri aisi be-hayai ki

dhajjiyan mai-kade mein shaiKH ki aaj

KHub uDti hain parsai ki

jab se hath aaya un ke ghar ka nizam

sun raha hun baDi safai ki

jis ke aage zamana jhukta hai

hai wo bas ek zat nai ki

jis pe neta ki ho gain nazren

us ne is daur mein KHudai ki

wo hasinon ki jutiyan khaen

ho zarurat jinhen kamai ki

ishq ki aag mein jo jalta hai

us ko hajat nahin razai ki