aisi aankhen tu ne din ai husn-e-jaanana mujhe

aisī āñkheñ tū ne diiñ ai husn-e-jānāna mujhe

zarra zarra ab nazar aatā hai but-ḳhāna mujhe

qulqul-e-mīnā kī sūrat aa rahī haiñ hichkiyāñ

yaad karte hoñge shāyad ahl-e-mai-ḳhāna mujhe

ro diyā maiñ aa ga.ī apne shikasta dil kī yaad

mil gayā TuuTā huā ik din jo paimāna mujhe

muḳhtasar itnī sī hai rūdād bazm-e-husn kī

sham.a un kā naam hai kahte haiñ parvāna mujhe

al-madad ai jazb-e-kāmil al-madad ai ḳhizr-e-shauq

kheñchtā hai rāh-e-ka.aba meñ bhī but-ḳhāna mujhe

soch kar anjām-e-ulfat ho gayā dil chuur chuur

lailā-o-majnūñ kā yaad aayā jo afsāna mujhe

tere qātil kai liye ghar kī huī jab justujū

dard ne uTh kar dikhāyā apnā kāshāna mujhe

us kī dhun se mujh ko matlab us kī dhun se mujh ko kaam

koī matvālā kahe 'muztar' ki dīvāne mujhe

aisi aankhen tu ne din ai husn-e-jaanana mujhe

zarra zarra ab nazar aata hai but-KHana mujhe

qulqul-e-mina ki surat aa rahi hain hichkiyan

yaad karte honge shayad ahl-e-mai-KHana mujhe

ro diya main aa gai apne shikasta dil ki yaad

mil gaya TuTa hua ek din jo paimana mujhe

muKHtasar itni si hai rudad bazm-e-husn ki

shama un ka nam hai kahte hain parwana mujhe

al-madad ai jazb-e-kaamil al-madad ai KHizr-e-shauq

khenchta hai rah-e-kaba mein bhi but-KHana mujhe

soch kar anjam-e-ulfat ho gaya dil chur chur

laila-o-majnun ka yaad aaya jo afsana mujhe

tere qatil kai liye ghar ki hui jab justuju

dard ne uTh kar dikhaya apna kashana mujhe

us ki dhun se mujh ko matlab us ki dhun se mujh ko kaam

koi matwala kahe 'muztar' ki diwane mujhe