aisi aziyyaton mein kisi ki basar na ho

aisī aziyyatoñ meñ kisī kī basar na ho

lagtā rahe ke saath koī hai magar na ho

us ne baḌe jatan se sajāyā thā ye makān

maiñ chāhtā huuñ kuchh bhī idhar se udhar na ho

jis tarh jhaḌ rahā thā palastar yahāñ vahāñ

shāyad safar se lauT ke jaa.eñ to ghar na ho

daftar kī din-guzāriyāñ sote meñ baḌbaḌāo

aise meñ ek roz kī chhuTTī bhī gar na ho

ai yaar merī baat samajh maiñ bhugat chukā

honā hai munhasir to kisī ek par na ho

ik raat bebasī ne sisak kar kahā ḳhudā

ik shām-bhar kā saath bhale 'umr bhar na ho

is ke sabab suḳhan hai suḳhan ke sabab hayāt

mar hī na jaa.eñ yaar udāsī agar na ho

aisi aziyyaton mein kisi ki basar na ho

lagta rahe ke sath koi hai magar na ho

us ne baDe jatan se sajaya tha ye makan

main chahta hun kuchh bhi idhar se udhar na ho

jis tarh jhaD raha tha palastar yahan wahan

shayad safar se lauT ke jaen to ghar na ho

daftar ki din-guzariyan sote mein baDbaDao

aise mein ek roz ki chhuTTi bhi gar na ho

ai yar meri baat samajh main bhugat chuka

hona hai munhasir to kisi ek par na ho

ek raat bebasi ne sisak kar kaha KHuda

ek sham-bhar ka sath bhale 'umr bhar na ho

is ke sabab suKHan hai suKHan ke sabab hayat

mar hi na jaen yar udasi agar na ho