ایسی اذیتوں میں کسی کی بسر نہ ہو

ایسی اذیتوں میں کسی کی بسر نہ ہو

لگتا رہے کے ساتھ کوئی ہے مگر نہ ہو

اس نے بڑے جتن سے سجایا تھا یہ مکان

میں چاہتا ہوں کچھ بھی ادھر سے ادھر نہ ہو

جس طرح جھڑ رہا تھا پلستر یہاں وہاں

شاید سفر سے لوٹ کے جائیں تو گھر نہ ہو

دفتر کی دن گزاریاں سوتے میں بڑبڑاؤ

ایسے میں ایک روز کی چھٹی بھی گر نہ ہو

اے یار میری بات سمجھ میں بھگت چکا

ہونا ہے منحصر تو کسی ایک پر نہ ہو

اک رات بے بسی نے سسک کر کہا خدا

اک شام بھر کا ساتھ بھلے عمر بھر نہ ہو

اس کے سبب سخن ہے سخن کے سبب حیات

مر ہی نہ جائیں یار اداسی اگر نہ ہو