aisi duniya ka etibar nahin

aisī duniyā kā e'tibār nahīñ

koī bhī jis meñ ġham-gusār nahīñ

zindagī ko guzārne vaalo

kyā tumheñ apnā intizār nahīñ

chāhatoñ kā vahāñ vajūd kahāñ

ḳhvāhishoñ kā jahāñ shumār nahīñ

phir bhī hogā nahīñ use ehsās

pattharoñ se lahū guzār nahīñ

tum suno to sināoñ dil kī baat

zindagī is zamīñ pe baar nahīñ

tum ne va.ada to kar liyā lekin

saañs kā koī e'tibār nahīñ

qurbateñ hoñ na hoñ magar 'manzar'

ham ko dil se kabhī utaar nahīñ

aisi duniya ka e'tibar nahin

koi bhi jis mein gham-gusar nahin

zindagi ko guzarne walo

kya tumhein apna intizar nahin

chahaton ka wahan wajud kahan

KHwahishon ka jahan shumar nahin

phir bhi hoga nahin use ehsas

pattharon se lahu guzar nahin

tum suno to sinaon dil ki baat

zindagi is zamin pe bar nahin

tum ne wada to kar liya lekin

sans ka koi e'tibar nahin

qurbaten hon na hon magar 'manzar'

hum ko dil se kabhi utar nahin