aisi nind aai ki phir maut ko pyar aa hi gaya

aisī niiñd aa.ī ki phir maut ko pyaar aa hī gayā

raat bhar jāgne vaale ko qarār aa hī gayā

ḳhaak meñ yuuñ na milānā thā mirī jaañ tum ko

ik vafādār ke dil meñ bhī ġhubār aa hī gayā

yād-e-gesū ne tasallī to bahut dī lekin

sāmne raat ma.āl-e-dil-e-zār aa hī gayā

kushta-e-nāz kī mayyat pe na aane vaalā

phuul dāman meñ liye sū-e-mazār aa hī gayā

ye bayābāñ ye shab-e-māh ye ḳhunkī ye havā

ai ḳhizāñ tujh ko bhī andāz-e-bahār aa hī gayā

āfrīñ ashk-e-nadāmat kī daraḳhshānī ko

ik siyahkār ke chehre pe nikhār aa hī gayā

bād-e-manzil bhī na mahsūs huā mujh ko 'shafīq'

marhabā salle-alā kūcha-e-yār aa hī gayā

aisi nind aai ki phir maut ko pyar aa hi gaya

raat bhar jagne wale ko qarar aa hi gaya

KHak mein yun na milana tha meri jaan tum ko

ek wafadar ke dil mein bhi ghubar aa hi gaya

yaad-e-gesu ne tasalli to bahut di lekin

samne raat maal-e-dil-e-zar aa hi gaya

kushta-e-naz ki mayyat pe na aane wala

phul daman mein liye su-e-mazar aa hi gaya

ye bayaban ye shab-e-mah ye KHunki ye hawa

ai KHizan tujh ko bhi andaz-e-bahaar aa hi gaya

aafrin ashk-e-nadamat ki daraKHshani ko

ek siyahkar ke chehre pe nikhaar aa hi gaya

baad-e-manzil bhi na mahsus hua mujh ko 'shafiq'

marhaba salle-ala kucha-e-yar aa hi gaya