aisi wusat ki chamakte hain sitare dil mein
aisī vus.at ki chamakte haiñ sitāre dil meñ
us ko rahnā hī nahīñ aayā hamāre dil meñ
sab ne aa aa ke mirā zehnī tavāzun chheḌā
log jo jo bhī mohabbat se utāre dil meñ
tū ne kyā jurm kiyā hogā jo maiñ rahtā rahā
itnā arsa mire chandā tire pyāre dil meñ
terā ronā tire kuchh kaam nahīñ aa.egā dost
sabz battī pe nahīñ khulte ishāre dil meñ
us kī āñkhoñ se jo dekhe the unhī ḳhvāboñ ne
aaj kal aag lagā rakkhī hai saare dil meñ
koī do chaar na.e zaḳhm ki rash paḌ jaa.e
sirf ik Dar rahā kartā hai bechāre dil meñ
sachche dil vaalī mire hujre meñ rahtī hai huzūr
mīThe paanī kā kuaañ hai mire khāre dil meñ
merā allāh mire saath hai vo jāntī hai
us ne Darte hue chalvā.e haiñ aare dil meñ
aisi wusat ki chamakte hain sitare dil mein
us ko rahna hi nahin aaya hamare dil mein
sab ne aa aa ke mera zehni tawazun chheDa
log jo jo bhi mohabbat se utare dil mein
tu ne kya jurm kiya hoga jo main rahta raha
itna arsa mere chanda tere pyare dil mein
tera rona tere kuchh kaam nahin aaega dost
sabz batti pe nahin khulte ishaare dil mein
us ki aankhon se jo dekhe the unhi KHwabon ne
aaj kal aag laga rakkhi hai sare dil mein
koi do chaar nae zaKHm ki rash paD jae
sirf ek Dar raha karta hai bechaare dil mein
sachche dil wali mere hujre mein rahti hai huzur
miThe pani ka kuan hai mere khaare dil mein
mera allah mere sath hai wo jaanti hai
us ne Darte hue chalwae hain aare dil mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
