ajaibaat-e-mohabbat mein jo shumar hua

ajā.ibāt-e-mohabbat meñ jo shumār huā

vo arsh-o-farsh ke mābain be-kanār huā

karam bhī us kā huā aur be-shumār huā

kabhī vo us kā kabhī merā ġham-gusār huā

vo tez tiir thā yak-laḳht jaan se guzrā

ḳhalish rahī na koī dil ke ār-pār huā

siyāh raat gharoñ meñ udāsiyāñ har-sū

sipāhiyoñ kā mujhe ḳhauf baar baar huā

vo sub.h-e-nūr thī jangal bhī kaisā raushan thā

magar ye shahr-e-talab kyoñ pas-e-ġhubār huā

usī ne mujh ko batāyā maiñ kaun thā kyā thā

maiñ pahle ḳhud pe nahīñ us pe āshkār huā

asīr-e-tīra-shabī thā kahāñ kā tabl-o-alam

miyāñ se niklā jo ḳhanjar to tābdār huā

ajaibaat-e-mohabbat mein jo shumar hua

wo arsh-o-farsh ke mabain be-kanar hua

karam bhi us ka hua aur be-shumar hua

kabhi wo us ka kabhi mera gham-gusar hua

wo tez tir tha yak-laKHt jaan se guzra

KHalish rahi na koi dil ke aar-par hua

siyah raat gharon mein udasiyan har-su

sipahiyon ka mujhe KHauf bar bar hua

wo subh-e-nur thi jangal bhi kaisa raushan tha

magar ye shahr-e-talab kyon pas-e-ghubar hua

usi ne mujh ko bataya main kaun tha kya tha

main pahle KHud pe nahin us pe aashkar hua

asir-e-tira-shabi tha kahan ka tabl-o-alam

miyan se nikla jo KHanjar to tabdar hua