ajab andaz-e-mahfil ho raha hai

ajab andāz-e-mahfil ho rahā hai

ki marnā tak bhī mushkil ho rahā hai

sitāra māh-e-kāmil ho rahā hai

koī ma.asūm qātil ho rahā hai

mirī dīvāngī meñ kuchh dinoñ se

junūñ kā rang shāmil ho rahā hai

jo honā hai vahī ho kar rahegā

pareshāñ kis liye dil ho rahā hai

qayāmat jis ke qadmoñ se lagī hai

vo fitna jān-e-mahfil ho rahā hai

tabāhī dil kī nazdīk aa rahī hai

nigāhoñ ke muqābil ho rahā hai

karūñ ai 'shauq' kyā dushman kā shikva

yahāñ har dost qātil ho rahā hai

ajab andaz-e-mahfil ho raha hai

ki marna tak bhi mushkil ho raha hai

sitara mah-e-kaamil ho raha hai

koi masum qatil ho raha hai

meri diwangi mein kuchh dinon se

junun ka rang shamil ho raha hai

jo hona hai wahi ho kar rahega

pareshan kis liye dil ho raha hai

qayamat jis ke qadmon se lagi hai

wo fitna jaan-e-mahfil ho raha hai

tabahi dil ki nazdik aa rahi hai

nigahon ke muqabil ho raha hai

karun ai 'shauq' kya dushman ka shikwa

yahan har dost qatil ho raha hai