ajab hua ki parinde uDan bhul gae

ajab huā ki parinde uḌaan bhuul ga.e

zamīñ pe rahne lage āsmān bhuul ga.e

zarūratoñ ne kuchh aisā banā diyā pāgal

ham apnā nām-o-nasab ḳhāndān bhuul ga.e

jab us ne chāñd hathelī se chhū diyā mujh ko

safar kī jo bhī thī saarī takān bhuul ga.e

ajab huā ki adālat meñ kal ḳhilāf us ke

bayān dene ga.e the bayān bhuul ga.e

zabān-e-yār samajhne kī dhun meñ ai 'qaisar'

jo apne paas thī vo bhī zabān bhuul ga.e

ajab hua ki parinde uDan bhul gae

zamin pe rahne lage aasman bhul gae

zaruraton ne kuchh aisa bana diya pagal

hum apna nam-o-nasab KHandan bhul gae

jab us ne chand hatheli se chhu diya mujh ko

safar ki jo bhi thi sari takan bhul gae

ajab hua ki adalat mein kal KHilaf us ke

bayan dene gae the bayan bhul gae

zaban-e-yar samajhne ki dhun mein ai 'qaisar'

jo apne pas thi wo bhi zaban bhul gae