ajab nuqush hain chehra to aisa tha hi nahin

ajab nuqūsh haiñ chehra to aisā thā hī nahīñ

ye merā aks nahīñ hai ki aa.ina hī nahīñ

likhūñ vo baat ki shiddat se ho tujhe mahsūs

mire qalam meñ shab-e-hijr kī siyāhī nahīñ

phirā rahā hai zamāne se rāstoñ kā tilism

ġharīb-e-shahr abhī mo'atabar huā hī nahīñ

khurach le zehn se saare ta.assurāt ki ab

tirī bahār kā mausam to aa.egā hī nahīñ

hazār qurb kī ḳhushbū ne baat kī 'ash.har'

vo kyā safar thā musāfir to kuchh khulā hī nahīñ

ajab nuqush hain chehra to aisa tha hi nahin

ye mera aks nahin hai ki aaina hi nahin

likhun wo baat ki shiddat se ho tujhe mahsus

mere qalam mein shab-e-hijr ki siyahi nahin

phira raha hai zamane se raston ka tilism

gharib-e-shahr abhi mo'atabar hua hi nahin

khurach le zehn se sare tassuraat ki ab

teri bahaar ka mausam to aaega hi nahin

hazar qurb ki KHushbu ne baat ki 'ashhar'

wo kya safar tha musafir to kuchh khula hi nahin