ajab yaqin sa us shaKHs ke guman mein tha
ajab yaqīn sā us shaḳhs ke gumān meñ thā
vo baat karte hue bhī na.ī uḌaan meñ thā
havā bharī huī phirtī thī ab ke sāhil par
kuchh aisā hausla kashtī ke bādbān meñ thā
hamāre bhīge hue par nahīñ khule varna
hameñ bulātā sitāra to āsmān meñ thā
utar gayā hai rag-o-pai meñ zā.iqa us kā
ajiib shahad sā kal raat us zabān meñ thā
khulī jo aañkh to 'tābish' kamāl ye dekhā
vo merī ruuh meñ thā aur maiñ makān meñ thā
ajab yaqin sa us shaKHs ke guman mein tha
wo baat karte hue bhi nai uDan mein tha
hawa bhari hui phirti thi ab ke sahil par
kuchh aisa hausla kashti ke baadban mein tha
hamare bhige hue par nahin khule warna
hamein bulata sitara to aasman mein tha
utar gaya hai rag-o-pai mein zaiqa us ka
ajib shahad sa kal raat us zaban mein tha
khuli jo aankh to 'tabish' kamal ye dekha
wo meri ruh mein tha aur main makan mein tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
