ajal ke sath chale hain yun intizar ke baad

ajal ke saath chale haiñ yuuñ intizār ke baad

vafā ke qaht paḌeñge vafā-shi.ār ke baad

mileñ kahāñ se vo ham se sanam-parast ki yaañ

jo bandagī kareñ terī gunāhgār ke baad

nigāh-e-nāz ke tīroñ kī dil meñ lutf-o-ḳhalish

nahīñ kahīñ pe vo mere sitam-shi.ār ke baad

kiyā jo qatl unhoñ ne to pūchho un se koī

qarār meñ nahīñ haiñ kyoñ vo be-qarār ke baad

ḳharīd kar ġham-e-jāñ tujh se mere shoḳh-o-hasīñ

malāl koī karegā na dil-figār ke baad

ḳhudā bhī mahv-e-kashākash hai ḳhuld ke liye huur

banā.e kaisī hasīñ tujh se shāhkār ke baad

kareñ jo ishq to rahtī kahāñ ye rang-o-ravish

mileñge tujh se kabhī ham jafā-e-yār ke baad

ye dil-lagī to kare haiñ vafā-shi.ār hoñ tab

tumhārī zulf sañvāreñ agar ḳhumār ke baad

ye ishq zar se hai taaki ye ḳhastā-hāloñ se

hamārā da.avā kareñge vo rozgār ke baad

badan ke TukḌe khilā.e tamām umr use

ġharībī bhuuk se mar jā.egī 'vaqār' ke baad

ajal ke sath chale hain yun intizar ke baad

wafa ke qaht paDenge wafa-shiar ke baad

milen kahan se wo hum se sanam-parast ki yan

jo bandagi karen teri gunahgar ke baad

nigah-e-naz ke tiron ki dil mein lutf-o-KHalish

nahin kahin pe wo mere sitam-shiar ke baad

kiya jo qatl unhon ne to puchho un se koi

qarar mein nahin hain kyon wo be-qarar ke baad

KHarid kar gham-e-jaan tujh se mere shoKH-o-hasin

malal koi karega na dil-figar ke baad

KHuda bhi mahw-e-kashakash hai KHuld ke liye hur

banae kaisi hasin tujh se shahkar ke baad

karen jo ishq to rahti kahan ye rang-o-rawish

milenge tujh se kabhi hum jafa-e-yar ke baad

ye dil-lagi to kare hain wafa-shiar hon tab

tumhaari zulf sanwaren agar KHumar ke baad

ye ishq zar se hai taki ye KHasta-haalon se

hamara dawa karenge wo rozgar ke baad

badan ke TukDe khilae tamam umr use

gharibi bhuk se mar jaegi 'waqar' ke baad