ajal ki lahr uThae hue jahazon mein

ajal kī lahr uThā.e hue jahāzoñ meñ

'ajīb habs thā aa.e hue jahāzoñ meñ

'adam vujūd pighal kar sabhī barābar hai

kiran kī lau se chalā.e hue jahāzoñ meñ

har ek chiiz musalsal magan hai motion meñ

jumūd toḌ ke aa.e hue jahāzoñ meñ

shu'ūr-e-samt hai parvāz kā salīqa bhī

haveliyoñ meñ banā.e hue jahāzoñ meñ

nizām-e-zindagī kī muḳhtalif cloning thī

black-hole se aa.e hue jahāzoñ meñ

zamīnī mas.aloñ se be-ḳhabar savār hue

ham apne haath uThā.e hue jahāzoñ meñ

bas itnā hukm thā ham ne anaaj bharnā hai

falak kī samt se aa.e hue jahāzoñ meñ

ajal ki lahr uThae hue jahazon mein

'ajib habs tha aae hue jahazon mein

'adam wujud pighal kar sabhi barabar hai

kiran ki lau se chalae hue jahazon mein

har ek chiz musalsal magan hai motion mein

jumud toD ke aae hue jahazon mein

shu'ur-e-samt hai parwaz ka saliqa bhi

haweliyon mein banae hue jahazon mein

nizam-e-zindagi ki muKHtalif cloning thi

black-hole se aae hue jahazon mein

zamini masalon se be-KHabar sawar hue

hum apne hath uThae hue jahazon mein

bas itna hukm tha hum ne anaj bharna hai

falak ki samt se aae hue jahazon mein