ajib qaid lagai hai tumne pyar ke sath

'ajīb qaid lagā.ī hai tum ne pyaar ke saath

ḳhizāñ-nasīb rahūñ rah ke maiñ bahār ke saath

ġham-e-hayāt se mumkin nahīñ hai chhuTkārā

tirā ḳhayāl bhī hai fikr-e-rozgār ke saath

qarīb hoñToñ ke labrez jaam chhalkānā

'ajab mazāq hai saaqī ye bāda-ḳhvār ke saath

mirā ḳhayāl hai tum bhī na toḌ pāoge

ik aisā rishta-e-mohkam hai intizār ke saath

ye aur baat uThāte haiñ uñgliyāñ dushman

mujhe ḳhushī hai luTā huuñ maiñ rah ke yaar ke saath

luTā ke apnā sabhī kuchh bahut huuñ ḳhush 'dānish'

ḳhayāl un kī ḳhushī kā thā apnī haar ke saath

'ajib qaid lagai hai tum ne pyar ke sath

KHizan-nasib rahun rah ke main bahaar ke sath

gham-e-hayat se mumkin nahin hai chhuTkara

tera KHayal bhi hai fikr-e-rozgar ke sath

qarib honTon ke labrez jam chhalkana

'ajab mazaq hai saqi ye baada-KHwar ke sath

mera KHayal hai tum bhi na toD paoge

ek aisa rishta-e-mohkam hai intizar ke sath

ye aur baat uThate hain ungliyan dushman

mujhe KHushi hai luTa hun main rah ke yar ke sath

luTa ke apna sabhi kuchh bahut hun KHush 'danish'

KHayal un ki KHushi ka tha apni haar ke sath