ajib rang liye aaj milne aaya wo

ajiib rañg liye aaj milne aayā vo

zarā sī der meñ lagne lagā parāyā vo

vahī galī hai vahī shaam hai vahī vahshat

par us darīche meñ chehra na jhilmilāyā vo

na jaane bhiig rahī haiñ abhī se kyuuñ āñkheñ

abhī na shaam huī hai na yaad aayā vo

rakhā dil is ne bharam kuchh to vahshatoñ kā tirī

jab us ko paas bulāyā to paas aayā vo

nahīñ thī sahl mire saath zindagī lekin

kabhī na harf-e-shikāyat zabāñ pe laayā vo

mizāj us kā batā.eñ kisī ko kyā 'ḳhāvar'

kahīñ pe dhuup lagā hai kahīñ pe saayā vo

ajib rang liye aaj milne aaya wo

zara si der mein lagne laga paraya wo

wahi gali hai wahi sham hai wahi wahshat

par us dariche mein chehra na jhilmilaya wo

na jaane bhig rahi hain abhi se kyun aankhen

abhi na sham hui hai na yaad aaya wo

rakha dil is ne bharam kuchh to wahshaton ka teri

jab us ko pas bulaya to pas aaya wo

nahin thi sahl mere sath zindagi lekin

kabhi na harf-e-shikayat zaban pe laya wo

mizaj us ka bataen kisi ko kya 'KHawar'

kahin pe dhup laga hai kahin pe saya wo