ajib rang tere husn ka lagaw mein tha
ajiib rañg tire husn kā lagāv meñ thā
gulāb jaise kaḌī dhuup ke alaav meñ thā
hai jis kī yaad mirī fard-e-jurm kī surḳhī
usī kā aks mire ek ek ghaav meñ thā
yahāñ vahāñ se kināre mujhe bulāte rahe
magar maiñ vaqt kā dariyā thā aur bahāv meñ thā
urūs-e-gul ko sabā jaise gudgudā ke chalī
kuchh aisā pyaar kā aalam tire subhāv meñ thā
maiñ pur-sukūñ huuñ magar merā dil hī jāntā hai
jo intishār mohabbat ke rakh-rakhāv meñ thā
ġhazal ke ruup meñ tahzīb gā rahī thī 'nadīm'
mirā kamāl mire fan ke is rachāv meñ thā
ajib rang tere husn ka lagaw mein tha
gulab jaise kaDi dhup ke alaw mein tha
hai jis ki yaad meri fard-e-jurm ki surKHi
usi ka aks mere ek ek ghaw mein tha
yahan wahan se kinare mujhe bulate rahe
magar main waqt ka dariya tha aur bahaw mein tha
urus-e-gul ko saba jaise gudguda ke chali
kuchh aisa pyar ka aalam tere subhaw mein tha
main pur-sukun hun magar mera dil hi jaanta hai
jo intishaar mohabbat ke rakh-rakhaw mein tha
ghazal ke rup mein tahzib ga rahi thi 'nadim'
mera kamal mere fan ke is rachaw mein tha
- Book : Khayaabaan (Pg. 109)
- Author : Hassan Abbas Raza
- Publication : Bazm-e-Khayaabaan-e-adab, Pakistan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
