ajib rasmon riwajon ka bojh hai hum par

'ajīb rasmoñ rivājoñ kā bojh hai ham par

baḌe buzurgoñ kī qabroñ kā bojh hai ham par

tumhīñ batāo ki ham haq ko haq kaheñ kaise

amīr-e-shahr ke dānoñ kā bojh hai ham par

ki ham ne apne samundar pe zabt pā to liyā

tumheñ pata nahīñ lahroñ kā bojh hai ham par

ham āsmān-e-saḳhāvat haiñ baat maan to leñ

pa kyā kareñ ki sitāroñ kā bojh hai ham par

hameñ hamārī mohabbat na mil sakegī kabhī

na jaane kitne rivājoñ kā bojh hai ham par

thakan utaar ke ham so to jā.eñge lekin

sitam to ye hai ki ḳhvāboñ kā bojh hai ham par

sisakne lagte haiñ aksar hamāre ḳhvāb 'vasīm'

ujālā ho ke añdheroñ kā bojh hai ham par

'ajib rasmon riwajon ka bojh hai hum par

baDe buzurgon ki qabron ka bojh hai hum par

tumhin batao ki hum haq ko haq kahen kaise

amir-e-shahr ke danon ka bojh hai hum par

ki hum ne apne samundar pe zabt pa to liya

tumhein pata nahin lahron ka bojh hai hum par

hum aasman-e-saKHawat hain baat man to len

pa kya karen ki sitaron ka bojh hai hum par

hamein hamari mohabbat na mil sakegi kabhi

na jaane kitne riwajon ka bojh hai hum par

thakan utar ke hum so to jaenge lekin

sitam to ye hai ki KHwabon ka bojh hai hum par

sisakne lagte hain aksar hamare KHwab 'wasim'

ujala ho ke andheron ka bojh hai hum par