ajib tishnagi har su mere badan mein hai

ajiib tishnagī har sū mire badan meñ hai

kisī sarāb kā aahū mire badan meñ hai

kisī se ishq sā hone ko hai ye tum ho kyā

na.e gulāb kī ḳhushbū mire badan meñ hai

kabhī kisī se bhī khul kar maiñ mil nahīñ saktā

mujhe ḳhabar hai ki bas tū mire badan meñ hai

mahal ko chhoḌ ke aa jaatī haiñ zuleḳhā.eñ

na jaane kaun sā jaadū mire badan meñ hai

sadāqateñ khanak uThtī haiñ baat jab nikle

vahī zabān vo taalū mire badan meñ hai

mire qarīb jo aao to dil baḌā rakhnā

burī-bhalī ghirī har ḳhū mere badan meñ hai

siyāsatoñ ne go shaitāñ hī kar diyā mujh ko

nahīñ maiñ bhūltā sādhū mire badan meñ hai

mire muqāble hūroñ kā qāfila 'az.har'

balā se zabt hai qaabū mere badan meñ hai

ajib tishnagi har su mere badan mein hai

kisi sarab ka aahu mere badan mein hai

kisi se ishq sa hone ko hai ye tum ho kya

nae gulab ki KHushbu mere badan mein hai

kabhi kisi se bhi khul kar main mil nahin sakta

mujhe KHabar hai ki bas tu mere badan mein hai

mahal ko chhoD ke aa jati hain zuleKHaen

na jaane kaun sa jadu mere badan mein hai

sadaqaten khanak uThti hain baat jab nikle

wahi zaban wo talu mere badan mein hai

mere qarib jo aao to dil baDa rakhna

buri-bhali ghiri har KHu mere badan mein hai

siyasaton ne go shaitan hi kar diya mujh ko

nahin main bhulta sadhu mere badan mein hai

mere muqable huron ka qafila 'azhar'

bala se zabt hai qabu mere badan mein hai