ajnabi hairan mat hona ki dar khulta nahin
ajnabī hairān mat honā ki dar khultā nahīñ
jo yahāñ ābād haiñ un par bhī ghar khultā nahīñ
rāste kab gard ho jaate haiñ aur manzil sarāb
har musāfir par tilism-e-rahguzar khultā nahīñ
dekhne vaale taġhāful kār-farmā hai abhī
vo darīcha khul gayā husn-e-nazar khultā nahīñ
jaane kyuuñ terī taraf se dil ko dhaḌkā hī rahā
is takalluf se to koī nāma-bar khultā nahīñ
intizār aur dastakoñ ke darmiyāñ kaTtī hai umr
itnī āsānī se to bāb-e-hunar khultā nahīñ
ham bhī us ke saath gardish meñ haiñ barsoñ se 'salīm'
jo sitāra saath rahtā hai magar khultā nahīñ
ajnabi hairan mat hona ki dar khulta nahin
jo yahan aabaad hain un par bhi ghar khulta nahin
raste kab gard ho jate hain aur manzil sarab
har musafir par tilism-e-rahguzar khulta nahin
dekhne wale taghaful kar-farma hai abhi
wo daricha khul gaya husn-e-nazar khulta nahin
jaane kyun teri taraf se dil ko dhaDka hi raha
is takalluf se to koi nama-bar khulta nahin
intizar aur dastakon ke darmiyan kaTti hai umr
itni aasani se to bab-e-hunar khulta nahin
hum bhi us ke sath gardish mein hain barson se 'salim'
jo sitara sath rahta hai magar khulta nahin
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
