ajnabi rahguzar ke the hi nahin

ajnabī rahguzar ke the hī nahīñ

ham jidhar the udhar ke the hī nahīñ

chhoḌ kar apnā ghar kahāñ jaate

ham kisī aur ghar ke the hī nahīñ

kaise aate vo ham-safar vāpas

jo hamāre safar ke the hī nahīñ

jo na aa.e hamāre dāman meñ

phal hamāre shajar ke the hī nahīñ

vo nazāre jo ham se duur rahe

vo hamārī nazar ke the hī nahīñ

saath chalte kisī ke ham kab tak

ham parā.ī Dagar ke the hī nahīñ

chal diye chhoḌ kar jo yaar 'kañval'

vo hamāre nagar ke the hī nahīñ

ajnabi rahguzar ke the hi nahin

hum jidhar the udhar ke the hi nahin

chhoD kar apna ghar kahan jate

hum kisi aur ghar ke the hi nahin

kaise aate wo ham-safar wapas

jo hamare safar ke the hi nahin

jo na aae hamare daman mein

phal hamare shajar ke the hi nahin

wo nazare jo hum se dur rahe

wo hamari nazar ke the hi nahin

sath chalte kisi ke hum kab tak

hum parai Dagar ke the hi nahin

chal diye chhoD kar jo yar 'kanwal'

wo hamare nagar ke the hi nahin