اجنبی شہر کی اجنبی شام میں
اجنبی شہر کی اجنبی شام میں
زندگی ڈھل گئی ملگجی شام میں
شام آنکھوں میں اتری اسی شام کو
زندگی سے گئی زندگی شام میں
درد کی لہر میں زندگی بہہ گئی
عمر یوں کٹ گئی ہجر کی شام میں
عشق پر آفریں جو سلامت رہا
اس بکھرتی ہوئی سرمئی شام میں
میری پلکوں کی چلمن پہ جو خواب تھے
وہ تو سب جل گئے اس بجھی شام میں
ہر طرف اشک اور سسکیاں ہجر کی
درد ہی درد ہے ہر گھڑی شام میں
آخری بار آیا تھا ملنے کوئی
ہجر مجھ کو ملا وصل کی شام میں
رات شاہینؔ آنکھوں میں کٹنے لگی
اس طرح گم ہوئی روشنی شام میں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
