ajnabi shahr mein ghar yaad aaya

ajnabī shahr meñ ghar yaad aayā

dhuup dekhī to shajar yaad aayā

qalb-e-daulat ko tamannā-e-sukūñ

zehn-e-iflās ko zar yaad aayā

band darvāze pe dastak sun kar

hai duāoñ meñ asar yaad aayā

dasht-e-afkār kī vus.at yā-rab

koī dīvār na dar yaad aayā

kaif-āvar tire lahje kī khanak

nashsha-e-zūd-asar yaad aayā

qasr-e-imroz meñ urdu dekhī

laal qila meñ 'zafar' yaad aayā

chand ash.ār-e-'muazzam' kah kar

aaj 'ġhālib' kā hunar yaad aayā

ajnabi shahr mein ghar yaad aaya

dhup dekhi to shajar yaad aaya

qalb-e-daulat ko tamanna-e-sukun

zehn-e-iflas ko zar yaad aaya

band darwaze pe dastak sun kar

hai duaon mein asar yaad aaya

dasht-e-afkar ki wusat ya-rab

koi diwar na dar yaad aaya

kaif-awar tere lahje ki khanak

nashsha-e-zud-asar yaad aaya

qasr-e-imroz mein urdu dekhi

lal qila mein 'zafar' yaad aaya

chand ashaar-e-'muazzam' kah kar

aaj 'ghaalib' ka hunar yaad aaya