akela main hi nahin hijr ki sawari mein

akelā maiñ hī nahīñ hijr kī savārī meñ

kuchh aur log bhī shāmil haiñ shab-guzārī meñ

nadī se kah do idhar tishnagī balā kī hai

ye suukh jā.egī sahrā kī ābyārī meñ

sipāh-e-shām nigāhoñ ko mat uThā lenā

'alī kā sher hai ḳhemoñ kī pāsdārī meñ

kaTe daraḳhtoñ kā maiñ ehtijāj dekhtā huuñ

safed ḳhuun lagā hai tumhārī aarī meñ

nikal ke aa jā pas-e-parda-e-tasavvur se

ye do charāġh bhī haiñ soz-e-intizārī meñ

ka.ī to miT ga.e kitne khañDar bane hue haiñ

makān apne makīnoñ kī sogvārī meñ

akela main hi nahin hijr ki sawari mein

kuchh aur log bhi shamil hain shab-guzari mein

nadi se kah do idhar tishnagi bala ki hai

ye sukh jaegi sahra ki aabyari mein

sipah-e-sham nigahon ko mat uTha lena

'ali ka sher hai KHemon ki pasdari mein

kaTe daraKHton ka main ehtijaj dekhta hun

safed KHun laga hai tumhaari aari mein

nikal ke aa ja pas-e-parda-e-tasawwur se

ye do charagh bhi hain soz-e-intizari mein

kai to miT gae kitne khanDar bane hue hain

makan apne makinon ki sogwari mein