akele kya pas-e-diwar-o-dar gae hum tum

akele kyā pas-e-dīvār-o-dar ga.e ham tum

sagān-e-ḳhufta ko hoshyār kar ga.e ham tum

qadam qadam pe ajab be-hayā nigāhoñ kā

hisār sā nazar aayā jidhar ga.e ham tum

guloñ ne ḳhuub pazīrā.ī kī ki bhūle se

kisī chaman meñ na bār-e-digar ga.e ham tum

umīd-e-vasl ke din kaT ga.e bhaTakne meñ

na hoTaloñ pe yaqīñ thā na ghar ga.e ham tum

havā-e-dahr ne sahmā rakhā thā kis darja

kivāḌ bhī kahīñ khaḌkā to Dar ga.e ham tum

falak kī dhun thī magar farsh par hamāre paañv

jame na the ki ḳhalā meñ bikhar ga.e ham tum

zahe ye himmat-e-parvāz bhī magar ab to

nasheb meñ ka.ī ziine utar ga.e ham tum

akele kya pas-e-diwar-o-dar gae hum tum

sagan-e-KHufta ko hoshyar kar gae hum tum

qadam qadam pe ajab be-haya nigahon ka

hisar sa nazar aaya jidhar gae hum tum

gulon ne KHub pazirai ki ki bhule se

kisi chaman mein na bar-e-digar gae hum tum

umid-e-wasl ke din kaT gae bhaTakne mein

na hoTalon pe yaqin tha na ghar gae hum tum

hawa-e-dahr ne sahma rakha tha kis darja

kiwaD bhi kahin khaDka to Dar gae hum tum

falak ki dhun thi magar farsh par hamare panw

jame na the ki KHala mein bikhar gae hum tum

zahe ye himmat-e-parwaz bhi magar ab to

nasheb mein kai zine utar gae hum tum