charagh hote hue tirgi qubul ki hai

charāġh hote hue tīrgī qubūl kī hai

tamām 'umr kī tā'zīr ek bhuul kī hai

ḳhayāl aayā hai ab rāsta badal leñge

abhī talak to bahut zindagī fuzūl kī hai

ḳhudā kare ki ye paudā zamīñ kā ho jaa.e

ki aarzū mire āñgan ko ek phuul kī hai

na jaane kaun sā lamha mire qarār kā hai

na jaane kaun sī sā'at tire husūl kī hai

na jaane kaun sā chehra mirī kitāb kā hai

na jaane kaun sī sūrat tire nuzūl kī hai

jinheñ ḳhayāl ho āñkhoñ kā lauT jaa.eñ vo

ab is ke baa'd hukūmat safar meñ dhuul kī hai

ye shohrateñ hameñ yūñhī nahīñ milī haiñ 'shakīl'

ġhazal ne ham se bhī qīmat bahut vasūl kī hai

charagh hote hue tirgi qubul ki hai

tamam 'umr ki ta'zir ek bhul ki hai

KHayal aaya hai ab rasta badal lenge

abhi talak to bahut zindagi fuzul ki hai

KHuda kare ki ye pauda zamin ka ho jae

ki aarzu mere aangan ko ek phul ki hai

na jaane kaun sa lamha mere qarar ka hai

na jaane kaun si sa'at tere husul ki hai

na jaane kaun sa chehra meri kitab ka hai

na jaane kaun si surat tere nuzul ki hai

jinhen KHayal ho aankhon ka lauT jaen wo

ab is ke ba'd hukumat safar mein dhul ki hai

ye shohraten hamein yunhi nahin mili hain 'shakil'

ghazal ne hum se bhi qimat bahut wasul ki hai