aKHbar kya ki apni bhi KHair-o-KHabar se dur

aḳhbār kyā ki apnī bhī ḳhair-o-ḳhabar se duur

kuchh roz chal ke rahte haiñ fikr-o-nazar se duur

pahle thiiñ rāteñ ġhair-zarūrī safar se duur

ab din guzārnā nahīñ āsān ghar se duur

shab se sahar se shaam se pichhle pahar se duur

har justujū hai jaise guzar se basar se duur

rakh zehn ko futūr se aur dil ko Dar se duur

matlūb hai shu.ūr ko rakhnā jo shar se duur

har tarah ke gurez hazar aur mafar se duur

aa chal ke dekheñ ab kisī sīdhī Dagar se duur

az ḳhud nahīñ ye saare musaḳhḳhar nazar se duur

ham din meñ shams aur haiñ shab meñ qamar se duur

aKHbar kya ki apni bhi KHair-o-KHabar se dur

kuchh roz chal ke rahte hain fikr-o-nazar se dur

pahle thin raaten ghair-zaruri safar se dur

ab din guzarna nahin aasan ghar se dur

shab se sahar se sham se pichhle pahar se dur

har justuju hai jaise guzar se basar se dur

rakh zehn ko futur se aur dil ko Dar se dur

matlub hai shuur ko rakhna jo shar se dur

har tarah ke gurez hazar aur mafar se dur

aa chal ke dekhen ab kisi sidhi Dagar se dur

az KHud nahin ye sare musaKHKHar nazar se dur

hum din mein shams aur hain shab mein qamar se dur