عکس اگر خوب تر نہیں لگتا
عکس اگر خوب تر نہیں لگتا
آئنہ معتبر نہیں لگتا
آپ کو دیکھنا ضروری ہے
آپ کو دیکھ کر نہیں لگتا
ہے عجب کشمکش کدھر جائیں
راستہ مختصر نہیں لگتا
ہم نے اشکوں سے دوستی کر لی
اب سمندر سے ڈر نہیں لگتا
ہاتھ سینے پہ رکھ کے دیکھا ہے
دل ابھی در بدر نہیں لگتا
میں بھی موجود ہوں کہانی میں
اکثر و بیشتر نہیں لگتا
چشم رہزن میں رہنے والوں کی
خاک پر ہو بسر نہیں لگتا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
