aks bhi arsa-e-hairan mein rakkha hua hai
aks bhī arsa-e-hairān meñ rakkhā huā hai
kaun ye ā.īna-rū dhyān meñ rakkhā huā hai
shaam kī shaam se sargoshī sunī thī ik baar
bas tabhī se tujhe imkān meñ rakkhā huā hai
haañ tire zikr pe ik, kaaT sī uThtī hai abhī
haañ abhī dil tire bohrān meñ rakkhā huā hai
ek hī aag meñ jalnā to zarūrī bhī nahīñ
haañ magar chehra vahī dhyān meñ rakkhā huā hai
rābte us se sabhī toḌ ke yaad aayā hai
āḳhirī va.ada to sāmān meñ rakkhā huā hai
raas aatā hī nahīñ koī ta.alluq 'nāhīd'
dil-e-ḳhush-fahm magar maan meñ rakkhā huā hai
aks bhi arsa-e-hairan mein rakkha hua hai
kaun ye aaina-ru dhyan mein rakkha hua hai
sham ki sham se sargoshi suni thi ek bar
bas tabhi se tujhe imkan mein rakkha hua hai
han tere zikr pe ik, kaT si uThti hai abhi
han abhi dil tere bohran mein rakkha hua hai
ek hi aag mein jalna to zaruri bhi nahin
han magar chehra wahi dhyan mein rakkha hua hai
rabte us se sabhi toD ke yaad aaya hai
aaKHiri wada to saman mein rakkha hua hai
ras aata hi nahin koi talluq 'nahid'
dil-e-KHush-fahm magar man mein rakkha hua hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
