aks-e-jamal-e-yar se jalwa numa hain hum

aks-e-jamāl-e-yār se jalva numā haiñ ham

kirnoñ kī tarah phaile hue jā-ba-jā haiñ ham

ham se nazar milāo ki dard-āshnā haiñ ham

is daur-e-bevafā meñ sarāpā vafā haiñ ham

hāthoñ kī in lakīroñ kā qissa ajiib hai

paḌhne ke ba.ad bhī na samajh paa.e kyā haiñ ham

kis ko ḳhabar hai niyyat-e-vā.iz kī mai-kasho

kahne ko us ne kah to diyā pārsā haiñ ham

yaaro ḳhatā muaaf ho us sāf-goī kī

kah de jo muñh pe baat vahī ā.īna haiñ ham

ham ko to muskurāne kī aadat hai kyā kareñ

duniyā samajh rahī hai sukūñ-āshnā haiñ ham

sau baar un ke va.adoñ ko jab aazmā chuke

ab tak isī fareb meñ kyuuñ mubtalā haiñ ham

chamkā tumhārā husn hamārī nigāh se

tum chāñd kī tarah ho to sūraj-numā haiñ ham

'shāhid' hamāre qatl kī maqtal meñ dhuum hai

suntā hai kaun kis se kaheñ be-ḳhatā haiñ ham

aks-e-jamal-e-yar se jalwa numa hain hum

kirnon ki tarah phaile hue ja-ba-ja hain hum

hum se nazar milao ki dard-ashna hain hum

is daur-e-bewafa mein sarapa wafa hain hum

hathon ki in lakiron ka qissa ajib hai

paDhne ke baad bhi na samajh pae kya hain hum

kis ko KHabar hai niyyat-e-waiz ki mai-kasho

kahne ko us ne kah to diya parsa hain hum

yaro KHata muaf ho us saf-goi ki

kah de jo munh pe baat wahi aaina hain hum

hum ko to muskurane ki aadat hai kya karen

duniya samajh rahi hai sukun-ashna hain hum

sau bar un ke wadon ko jab aazma chuke

ab tak isi fareb mein kyun mubtala hain hum

chamka tumhaara husn hamari nigah se

tum chand ki tarah ho to suraj-numa hain hum

'shahid' hamare qatl ki maqtal mein dhum hai

sunta hai kaun kis se kahen be-KHata hain hum